Eu sun Andreas Kunz e m’alegr da pudair beneventar a Vus sün la pagina d’internet da meis büro d’architectura. Daspö ils 01-01-2024 main eu il büro d’architectura kunz guarda scrl e am concentresch cun meis team sün progets d’architectura persistents e moderns.
Noss büro d’architectura spordscha soluziuns cumplessivas per progets da construcziun privats e commerzials. Saja quai per construir nouvs, müdar intuorn o renovar – nus planisain e realisain concepts individuals chi uneschan design, funcziun e persistenza. Cun ün’uraglia averta per Voss giavüschs As accumpagnain nus da la prüma idea fin a la realisaziun.
I’l büro d’architectura kunz guarda scrl fuormain nus architectura chi’d es dapü co spazi: ambiants d’abitar e da lavur chi inspireschan ed inricheschan il minchadi. Ün accent special es il contact respectabel cun edifizis istorics. Las structuras existentas integrain nus cun premura per mantgnair la ierta architectonica e pussibilitain il listess mumaint üna ütilisaziun moderna. Per nus es mincha proget – ch’i saja üna construcziun nova o sanaziun – üna schanza da sviluppar soluziuns creativas e fatschas sün masüra.
Oz es il construir a moda persistenta plü importanta co mai. Noss büro d’architectura metta l’accent sün materialias chi schanaian las resursas e sün tecnologias effiziaintas per crear ün’architectura lunga e consciainta a l’ambiant. Noss sbözs reuneschan estetica ed effizienza ed sun concepadas per ir intuorn respunsabel cun las resursas natüralas.
Sco büro successur d’üna tradiziun da büro d’architectura cun blera experientscha colliain nus aint il büro d’architectura kunz guarda scrl constanza e modernità. Uschea mettain nus il fundamaint cumprovà da noss artisanadi e l’amplifichain cun ideas modernas per crear architectura chi cumbinescha tradiziun ed avegnir.
Guardai noss progets actuals ed As laschai inspirar. Nus ans allegrain da realisar Vossas ideas per progets da construcziun privats o artisanals ed As stain gugent a disposiziun per ün discuors persunal.
Andreas Kunz
